Napas anjeun,
Mapay satapak jalan na catetan kuring
Seukeut, ngaburisan lalakon nu geus anggang
Rénghap ...
Rénghap ...
Eusi dada karasa engab,
Kebek ku panineungan
Rénghap ...
Rénghap ...
Karasa, aya nu ngancik na lelembutan.
Anjeun. Anging anjeun.
Bandung, November 2012
Saba dayeuh tunggang tarumpah
Nikreuh, ngeureuyeuh simpé.
Gok, kalangkang sorangan
Gok, kalangkang sorangan
Galur téh geuning panjang.
Naha bet teu suhud lalampahan
Jog lain, jog lain. Teu katimu deui
Teu katimu baé. Jonghok ajag,
Jonghok maung, mabur deui
Mabur deui.
Layung beuki ngempur,
Ngahibarkeun peteng dina sajak.
Kabaca jadi ringrang,
Diregepan jadi rémpan.
Umur teu bisa nguyang,
Diwates samet sasabaan.
Nepi teu nepi, wengku awak
Baris datang. Tarumpah
Leumpang sorangan,
Nikreuh saba dayeuh.
Tunggang simpé,
Tunggang umur.
Leungiteun ku kalangkang
Sorangan.
Info Absurditas Kata Lainnya:
Belum ada tanggapan untuk "Panineungan (Sajak Sunda si Absurditas Malka)"
Post a Comment
Berkomentar memakai akun Blogger akan lebih cepat ditanggapi, berkomentar memakai akun Facebook tergantung radar :D Terima kasih telah berkomentar